Одбележување на примената на измените во Законот за слободен пристап до информации
Македонското здружение на млади правници и Институтот отворено општество денеска го одбележаа почетокот на примената на измените и дополнувањата на Законот за слободен пристап до информации од јавен карактер.
“Ја користиме оваа можност да информираме дека започнувајќи од први јуни 2010 година стапија на сила измените и дополнувањата на Законот за слободен пристап до информации од јавен карактер, една од позначајните измени е тоа што рокот за одговор на усмено барање за слободен пристап од 10 дена се скратува на три дена, а сметаме дека тоа ќе биде од поефикасно значење на новинарската професија“, изјавија од Македонското здружение на млади правници.
Друга измена во овој закон е тоа што се предвидува за Имателите да ја информираат јавноста за својата работа преку извештаи.
Македонското здружение на млади правници и Институтот отворено општество денеска со штанд пред Македонската радио телевизија ги одбележуваа овие измени, а за таа цел делеа пропаганден материјал во врска со Законот за слободен пристап до информации од јавен карактер, за да ја зголемат свеста на граѓаните за постоењето на ова нивно уставно загарантирано право.
Автор на веста: Нетпрес
Објавена на 28.06.2010 11:10:13 AM
|
