Социјалдемократскиот сојуз денеска на прес конференција го повика премиерот Никола Груевски да распише референдум за проектот “Скопје 2014“.

“Оваа забеганост на ВМРО-ДПМНЕ мора да заврши. Уште еднаш го повикуваме Груевски, човекот што постојано вели дека најважно му е мислењето на народот, да свика референдум за Скопје 2014 и да ја слушне суровата вистина за тоа што мислат граѓаните за овој негов монструозен проект. Ако не свика референдум по ова клучно прашање за иднината на Скопје, но и за иднината на нашиот идентитет, тогаш веќе никој нема да му верува дека навистина се грижи за мислењето на народот“, вели Гордан Георгиев, потпретседател на СДСМ.

СДСМ најави дека ќе поднесе барање преку пратеничката група за свикување на итна седница во Собранието за “Скопје 2014“.

Автор на веста: Нетпрес
Објавена на 08.02.2010 15:19:26