Додека новиот грип  се шири по светот, a многу европски земји се подготвуваат за вакцинирање, новинарката Џејн Бургермајстер на својот блог напишала дека е во тек најголем грабеж и злосторство во историјата на човештвото.

Новинарката поднела тужба против Светската здравствена организација, против ФБИ, против ООН и против неколку високи американски владини и фармацевтски службеници, задолжени за вакцините, со обвинение за планирање на масовно убиство.

Австријката Бургермајстер исто така, ќе бара судска забрана за задолжителното вакцинирање против свинскиот грип, што наскоро треба да почне во Америка. Таа како што пишува на нејзиниот блог, навела дека во април до Обвинителството во Виена поднела тужба против компанијата Бакстер и Авир за создавање контаминирана вакцина против птичји грип,  исто така за да направат профит.

Новинарката излегла со тврдење дека биотероризмот го предводи група под управа на меѓународни банкари кои ги контролираат федералните резерви, СЗО, ООН и НАТО.  Бургермајстер смета дека ослободувањето на вирусот  на Светската здравствена организација и служи за воведување на пандемија и почеток на дистрибуција на вакцини, пренесува “Јутарњи хр“.

Своите тврдења новинарката ги докажува со инциденти во кои во телот на ланската зима компанијата “Бакстер АГ“, филијала во Австрија на лаборатории во четири земји им испратила 72 килограми жив вирус на птичји грип. Во својата тужба таа тврди дека лабораториите не спровеле соодветни мерки за осигурување на вирусот, туку дозволиле материјалот да се измеша со човечкиот грип.

Автор на веста: Нетпрес
Објавена на 15.07.2009 12:34:39