На овие избори е јасно дека победи про-НАТО и про-ЕУ опцијата со 550 илјади гласа наспроти владата и нивниот кандидат кој веќе не зборуваат за јасна НАТО агенда , ниту за датум за преговори за ЕУ, туку зборуваат единствено за општи фрази за европски вредности и европска перспектива, за добри луѓе, добри мисли, добри дела. Ако добро мислите парите ќе ви се вратат“, изјави претседателскиот кандидат Љубомир Фрчковски

Тој вели  дека не станува збор политички програмски начела, туку за  иронизирање и терање мајтап со македонските граѓани. Тие  не зборуваат за јасна агенда за пристапување кон НАТО повеќе, затоа што не можат да испорачаат резултат за тоа.

Упати апел до  владата да се посвети на исполнување на стандардите и критериумите за влез во воената алијанса  и Европската унија. Ја обвини за предизборни вработувања.

Фрчковски вели дека празниот буџет се обидуваат да го наполнат со издавање државни обврзници под високи камати кај македонските банки и прашува  од каде ќе најдат средства да ги вратат парите на банките.

“Дали зад овој финансиски пирамидален обид се крие планот по секоја цена,  само да се победи на претседателските избори и да се смени гувернерот на Народна банка и да се направи девалвација на денарот“ кажа претендентот за претседател  на државата.

Автор на веста: Нетпрес
Објавена на 24.03.2009 15:11:56