ДИК: Гласале нешто помалку од 50 отсто од избирачите
Според најновите информации на Државната изборна комисија до 17 часот процентот на излезност изнесува 48, 73 отсто.
Податоците од 2.557 избирачки места или 85,92 проценти, говорат дека одзивот на луѓето што излегле да гласаат за претседателските избори до 17 часот, попладнево изнесува 48,73 отсто или 788.147 гласачи.
Процентот на излезност на локалните избори, според податоците на истиот број избирачки места, до 17 часот е исто така 48,73 отсто или 780 илјади и 187 избирачи.
Бројот на скопјани кои излегле да гласаат за градоначални и совет на Град Скопје, до 17 часот изнесува 196 илјади и 51 гласач или 45,25 отсто.
ДИК на претходните прес конференции информираше дека вкупниот број на избирачки места што денеска не се отворија поради временските неприлики е 103 од 30 општини. Претседателот Александар Новаковски изјави дека на тие места гласањето ќе се повтори,а затоа ќе одлучува ДИК.
Според него претседателските и локални избори, освен мали исклучоци, се одвиваат во добра атмосфера и се надева дека така и ќе завршат.
Автор на веста: Нетпрес
Објавена на 22.03.2009 18:55:27
|
