Господинот Фрчковски во своите настапи има искажано многу различни ставови и различни навреди, велат од ВМРО-ДПМНЕ.

Ја гледавме изјавата на  Бранко Црвенковски, дадена по средбата со словенечкиот претседател, во која тој вели дека Грција нема што да изгуби, а  Македонија веќе губи и за тоа плаќа голема цена. ВМРО-ДПМНЕ сака да му одговори, и тоа преку ставовите на Љубомир Фрчковски, претседателскиот кандидат на СДСМ и Црвенковски, изразени во колумна објавена во дневниот весник ”Дневник”, пред  само 2 години и неколку месеци, во која Фрчковски му кажува на Црвенковски:

” Ја забележавте ли, драги мои, „бистроќата“ во изјавата на нашиот претседател Б. Црвенковски, кога дојден од Атина заклучи во микрофон дека „...Грците не' уценувале за името...“??!! Па дали „је то могуче“, па „није ваљда“? По петнаесет години водење некаква политика во тажна Македонија, претседник се „је одважио“ и конечно разбрал! Па и ако е од „електрик мен“ ова е сепак премногу! Ме интересира што досега мислел за „този вапрос“?”-прашува Фрчковски, и продолжува...
... И што во оваа пригода, драги мои, да му порачаме на нашиот „вољен“ претседник: „Седи ди си, јер и за диси ниси“...вели Фрчковски во својата колумна.

Поради тоа што и денес Фрчковски продолжува да ги менува своите ставови, јавно го прашуваме, дали и сега е со истиот став кој го искажа во наведената колумна?

Автор на веста: Нетпрес
Објавена на 19.02.2009 12:40:54