Меѓународната илинденска регата  „Охрид 2007“, што се одржува по 39-ти пат денеска почна од градското пристаниште во Охрид, јави дописникот на Нетпрес од Охрид.

На свечното отварање на регата присуствуваа  диркеторот на Агенцијата за млади и спорт, Ивица Ѓорѓиевски, преседателот на клубот Венко Шапкар, и преседателот на Едриличарската федерација на Македонија, Љупчо Поп-Стефанија, како и охридскиот градоначалник Александар Петртски. Според најавите од организаторите ,едриличарските клубови „Амак СТ“, „Бофер“ и  „Стремец“, учествуваа 200 едриличари со клубови од Италија, Хрватска, Србија, Бугарија, Црна Гора, Грција, Швајцарија, Романија, Унгарија и Македонија.

Едриличадрите ќе едрат во класите оптимист, европа, ласер стандард, ласер радиал, ласер 4,7, флаинг јуниор, мистрал, и минитонец.  Поволниот ветар кој дува на Охридското Езеро обебеди одлични услови за пловење.

Утре на вториот натпреварувачки ден, Младен Шутељ од Хрватскиот океански едриличарски клуб ќе направи презентација на крстарење околу „Цапе Хорн“. Регата завршува на втори август, кога покровителот на најголемата спортска манифестација кај нас, евроамбасадорот Ерван Фуере ќе ја додели наградата „Златна маска“ на најдобрите. Организаторите најавија  дека во рамките на регата ќе се одржат и „Илинденски огонови“, манифестација на која огонот на регата симболично ќе го запали еден од најстарите охридски едриличари.

Овогодинешната регата се поклопува со 100 годишнината од формирањето на светската едриличарска федерација и 60 години од формирањето на македонската едриличарска федерација.

Автор на веста: Нетпрес
Објавена на 31.07.2007 15:13:36

Галерија: