ОНЕ и Националната фондација за трансплатација започнуваат кампања за подигање на свеста за важноста за донирање органи и побрзо имплементирање на Законот за трансплатација на клетки, ткива и органи.
По тој повод денеска беше промовирана книгата “Телото на нејзиното тело – приказни за добрината“ преведена на македонски јазик, напишана според личното искуство на светски познатата писателка Славенка Дракулиќ откако таа добила бубрег од непознат дарител.
Книгата ќе се продава за симболични 120 денари во продажните салони на ОНЕ низ целата земја, а финансиските средства од продажбата ќе бидат донација за Националната фондација за трансплатација.
“Проектот го почнавме со единствена цел – да покажеме дека донирањето органи се случува во светот и дека тоа продолжува животи, да ја поттикнеме свеста бидејќи сме сигурни дека има добри луѓе. Се надеваме дека преводот на делото на македонски јазик барем малку ќе помогне во приближувањето на темата за донирање на органи од нашите сограѓани“, изјави Виктор Доневски, директор на одделот за корпоративни комуникации во ОНЕ.
Во книгата, хрватската писателка опишува дестина случаи на донатори на органи, како и нејзиното лично иксуство.
“Во книгата опишувам десетина случаи на донатори на органи. Некои се религиозни, некои воопшто не се. Некои едноставно сочувствуваат, а некои тоа го прават бидејќи имаат таква животна филозофија. Можеби мојата донаторка Кристин Свонсон го даде најдобриот одговор на прашањето ’Зошто?’. Таа рече: ’А зошто не?’ Навистина, да се запрашаме зошто ваквите алтрустички гестови се толку ретки ? Зошто се чудиме на добрината и сме изненадени и затечени на добродетелството додека, пак, злото ни се чини нормално ? Единствен начин да им се заблагодарам на ваквите луѓе беше да ја напишам оваа книга“, изјави Славенка Дракулиќ.
Претседателот на Националната Фондација за транпслатација, доктор Владимир Чадиковски, им се заблагодари на писателката и на компанијата ОНЕ за оваа кампања за подигање на свеста за донирање органи.
“Би сакал во мое лично име и во име на Фондацијата од се’ срце да им заблагодарам на госпоѓа Дракулиќ што ни ги подари авторските права за нејзиното дело, како и на фондацијата ’Традуки’ од Германија кои финансиски го помогнаа македонскиот превод. Со оваа кампања ја остваруваме основната мисија на Фондацијата - подигање на свеста за донирање органи, но воедно сакаме и да помогнеме на Министерството за здравство побрзо да го имплементира новиот Закон за трансплатација на клетки, ткива и органи. Исекако огромна благодарност до компанијата ОНЕ без чие учество немаше да биде возможно издавањето на оваа книга. Со поддржувањето на овој проект ОНЕ уште еднаш покажа дека заслужено се наоѓа помеѓу водечките општествено одговорни компании во земјава“, изјави Чадиковски.
Како четворица новинарски доајени дисциплинирано се пројавуваат како водачи на револуционерен и божемен граѓански отпор...
