Пад на цената на златото по шестмесечниот раст
21.09.2012 - 14:00:02
Цената на златото се намалила на 1.759,90 долари за унца, откако во средата достигна максимум во претходните 6,5 месеци, поради зајакнување на доларот и пад на пазарот на акции и нафта кои ја поттикнале довербата на инвеститорите.
Златото денеска се тргувало по цена од 1.759,90 долари за унца (28,35 грама), наспроти 1.769,19 долари на затворање на пазарите, бидејќи цената во еден момент достигнала вредност од 1.779,10 долари под влијание на стимулативните мерки на јапонската централна банка.
Курсот на доларот кон еврото пораснал, а берзанските индекси биле во пад, под влијание на слабите показатели во секторот услуги во евро зоната и во производниот сектор во Кина.
“Растот на цената на златото и среброто ќе биде задржан поради падот на берзите и зајакнување на доларите. Но, поддршката на пазарите ќе се зачува и се предвидува дека купувањето по падот на цената ќе биде вистинска долгорочна стратегија“, се наведува во извештаите на брокерските куќи.
автор: Нетпрес
Мора да е посебно чуството на гордост кај Љубчо Георгиевски што неговата единствена советничка за надворешна политика...
