По деценискиот синоним за пустошот кој владее на “црниот“ континент, во Африка забрзано расте средната класа која ја зголемува потрошувачката, а бројни африкански земји покажуваат завиден економски напредок.
Од една страна се предрасудите за овој континент, а од друга страна се спротиставени показателите кои упатуваат на видлив напредок на земјите на југот. На пример Лагос, главниот град на Нигерија, за многумина е град во кој владее хаос, нечистотија и опасности на секој чекор. Но, низ тој 20-милионски град минуваат луксузни автомобили, а на сите страни може да се видат градежни дигалки. Во источниот дел на Лагос се гради луксузна населба наречена Островот на бананите, а на југот се гради Еко Атлантик, остров кој се простира на 2,4 милиони квадратни километри, по големина сличен на Менхетн.
“Заборавете ги предрасудите и вестите поврзани со катастрофи“, рекол Волфганф Гоеч, менаџер на германската компанија “Јулиус Бергер“. ’Африка напредува’. Од 1,3 милијарди жители, 315 милиони од нив живеат над светскиот просек на сиромаштијата која изнесува два долари на ден, што е повеќе за разлика од Индија. 120 милиони жители располагаат со повеќе од четири долари на ден, а растечката средна класа во овој момент опфаќа над 60 милиони луѓе. Нивниот стандард може да се мери со оној на Кина.
Тоа го препознале и водечките светски производители на стока за широка потрошувачка. “Денес во Африка може насекаде да пронајдете познати трговски марки, од супа во ќесичка до телевизори. 600 милиони жители на Африка користат мобилен телефон, а десет отсто од површината е покриена со сигнал за мобилен Интернет“, оценил консултантот Мартин Витиг.
Германскиот неделник “Фокус“ открива и интереесни податоци за Африка. Кој би помислил дека Ангола има најбрзорастечка економија со повеќе од десет милиони жители. Ангола помеѓу 2001 и 2010 година, со 11,1 отсто забележала најголем раст,а меѓу земјите кои се движат во нагорна линија се дури пет африкански држави и тоа Нигерија, Етиопија, Чад, Мозамбик и Руанда.
“Голем дел од земјите во Африка сега се наоѓаат на ниво на Бразил, Русија, Индија, Кина, Турција, Малезија, па и голем број европски земји“, нагласил Витиг.
Според податоците на Светска банка кои се однесуваат на можностите за почнување нов бизнис, од 183 земји во светот Руанда е на 45-тото место по брзина за основање на фирма. Во Руанда една фирма може да се основа за осум дена, за разлика од Луксембург каде истата таа постапка трае 81 ден. Боцвана, Гана, Намибија и Замбија ги надминале Кина и Италија по добрата клима за бизнис.
Во следните десет години Африка ќе прерасне во најдинамичен и најрастечки регион во светот, покажуваат прогнозите на Светска банка, Меѓународен монетарен фонд, банки и консултантски компании. Просечните приходи ќе пораснат за половина. Многу германски компании во меѓувреме си зазеле своја позиција на “црниот“ континент, чии претставници зајакнато ги истакнуваат предностите на Африка.
Според истражувањето на светската трговска организација УНКТАД, Африка до 2014 година би можела да забележи најголем раст на странските инвестиции во светот, што може да достигне ниво дури и до 84 отсто.
Но, Африка нема само предности, потсетува германскиот неделник, наведувајќи ги лошите примери како што е непочитување на ветеното, недоволно силни економски реформи и нестабилност, како и корупција.
Како четворица новинарски доајени дисциплинирано се пројавуваат како водачи на револуционерен и божемен граѓански отпор...
