Грција продава дипломатски објекти
19.09.2012 - 15:23:31
Грција планира да ги продаде дипломатските објекти од Лондон до Белград во рамки на напорите на Владата да го спроведе планот кој е неопходен за добивање на странска помош.
Списокот на имотот за продажба претходно беше ограничен на недвижности во земјата, а сега ги вклучува и резиденцијата на грчкиот конзул во Лондон, како зградите на амбасадите во Брисел и во Белград.
Во планот за продажба е и изнајмување на кралската палата во Атина.
Грција вети дека до 2020 година ќе собере 50 милијарди евра од пордажба на државниот имот, од кој половина го сочинуваат недвижности, за да ги исполни условите за добивање 240 милијарди евра странска помош.
Во планот за продажба е викторијанската куќа од 947 квадрати во престижната зона на паркот Холанд во Лондон, каде цените на недвижностите пораснале за 49,9 отсто во однос на март 2009 година.
Цените за изнајмување на слични куќи се околу 41,000 долари неделно, а една од нив неодамна е продадена за 12 милиони фунти, се наведува на сајтот на агенцијата “Марш енд Парсонс“.
Покрај зградата од 2,860 метри квадратни во Брисел и амбасадата од 2,376 квадратни метри во срцето на Белград, во план е и продажба на зграда од 1,215 квадрати во Љубљана и земја од 8,000 метри квадратни во Никозија.
автор: Нетпрес
Како четворица новинарски доајени дисциплинирано се пројавуваат како водачи на револуционерен и божемен граѓански отпор...
