Криза? “Ферари“ со рекордна продажба во 2012 година
19.09.2012 - 11:04:31
Италијанскиот производител на луксузни автомобили “Ферари“ објави дека остварил нов рекорд во продажбата на автомобили во првата половина на 2012 година. Вкупно 3,664 автомобили биле испорачани во салоните ширум светот, што претставува пораст за 7,4 отсто во однос на првата половина од минатата година.
Компанијата, исто така, остварила нето профит од 131,7 милиони долари, што е зголемување за десет отсто во однос на истиот период лани. Покрај тоа, трговскиот профит на “Ферари“ изнесувал 198,9 милиони долари и е поголем за 14 отсто во споредба со лани.
Најголем пазар за “Ферари“ остануваат САД, каде италијанскиот производител на автомобили во првата половина од 2012 испорачал 851 автомобил. Вкупната продажба во САД пораснала за 17 отсто, додека во Велика Британија за 43 отсто каде се испорачани 393 автомобили.
Во Кина продажбата е зголемена за десет отсто и испорачани се околу 400 автомобили, додека на Блискиот Исток “Ферари“ ја зголемил продажбата за седум отсто и таму испорачал 191 возило.
За разлика од тоа, во Италија “Ферари“ во првата половина од годината забележал пад на испораката за 25,5 отсто во споредба со истиот период лани. Наместо минатогодишните 251 автомобили, испорачал 187.
автор: Нетпрес
.jpg)
Две децении нема нов Славко Јаневски, Коле Чашуле, Јован Павловски или Анте Поповски... ни сликари од времето на Мартиновски или Личеноски... Коџоман, Чемерски или Корубин...
