Грците се заканија дека ќе и’ ги “вратат децата на државата“
21.06.2012 - 12:08:36
Родители со повеќе од две деца во Грција се заканија дека ќе и’ го вратат на државата "вишокот" од деца кои поради кризата не можат да ги издржат, соопшти атинското радио "Скај".
Според грчките закони задолжените даночни обврзници можат да и’ го вратат на даночната администрација имотот што не можат да го поддржат. Тоа често се прави, на пример, со автомобилите. Доволно е само да се однесе регистарскиот број на автомобилот во даночната управа за да се запрат даноците за неа.
Родители од јужниот грчки град Коринт, кои поради намалените плати и растечките цени се’ потешко ги прехрануваат своите семејства, отишле во даночната служба и рекле дека ќе го остават "вишокот" од деца на шалтерите каде што се враќаат регистарските броеви на автомобилите.
Катерина Меркури, претседателка на коринтското Друштво на родители со три и повеќе деца, вели дека се залагаат за намалување на даноците на семејниот имот и подигање на прагот на неоданочените приходи, зашто во спротивно, родителите нема да можат повеќе да ги хранат своите деца.
Родителите од Коринт доставиле барања до шефот на даночната служба, кој е татко на три деца, а сега се надеваат на неговата помош.
автор: Нетпрес
Како четворица новинарски доајени дисциплинирано се пројавуваат како водачи на револуционерен и божемен граѓански отпор...
